“996”工作制，亦即系每日早晨 9 点返工，一直做到晚黑 9 点，每周做 6 日工。
“996”工作制嘅周工作时间系最少 60 个钟。
中国大陆工时规管现况（标准工时）：
一日工作时间系 8 个钟，平均每周工时唔超过 44 个钟；加班上限系一日 3 个钟及一个月 36 个钟，超时工作人工唔少于平时人工嘅 150%。而一周最高工时则系 48 个钟。平均每月计人工日数系 21.75 日。
《中华人民共和国劳动法》（下简称 《劳动法》）第四章第三十六条规定：
国家实行劳动者每日工作时间唔超过八个钟、平均每周工作时间唔超过四十四个钟嘅工时制度。
《劳动法》第四章第三十九条规定：
企业因生产特点冇办法实行本法第三十六条、第三十八条规定嘅， 经劳动行政部门批准，可以实行其他工作同埋休息办法。
《劳动法》第四章第四十一条规定：
用人单位由于生产经营需要，同工会及劳动者协商之后可以延长工作时间， 一般每日唔可以超过一个钟；因特殊原因需要延长工作时间嘅， 喺保障劳动者身体健康嘅条件下延长工作时间每日唔可以超过三个钟， 但系每月唔可以超过三十六个钟。
《劳动法》第四章第四十三条规定：
用人单位唔可以违反本法规定延长劳动者嘅工作时间。
《劳动法》第四章第四十四条规定：
有下列情形之一嘅，用人单位应当按照下列标准支付高于劳动者正常工作时间人工嘅报酬：
（一）安排劳动者延长工作时间嘅，支付唔少于人工嘅百分之一百五十嘅报酬
（二）休息日安排劳动者工作又冇办法安排补休嘅，支付唔少于人工嘅百分之二百嘅报酬
（三）法定休假日安排劳动者工作嘅，支付唔少于人工嘅百分之三百嘅报酬
《劳动法》第十二章第九十条规定：
用人单位违反本法规定，延长劳动者工作时间嘅，由劳动行政部门给予警告，责令改正，并且可以处以罚款。
《劳动法》第十二章第九十一条规定：
用人单位有下列侵害劳动者合法权益情形之一嘅，由劳动行政部门责令支付劳动者嘅人工报酬、经济补偿，并且可以责令支付赔偿金：
……
（二）拒不支付劳动者延长工作时间工资报酬嘅
……
2016 年 9 月初起，陆续有网友爆料话，58同城实行全员 996 工作制，而且周末加班冇工资。公司方面回应话，为咗应对业务量高峰期，公司每年嘅 9、10 月份都会有动员，属于常规性活动，而本次“996 动员”并唔系强制。
2018 年 11 月，聚美优品喺成都研发部实行 996 工作制，并称之为正常工作时间，拒绝支付加班工资以及调休。员工话正常请假 1 日会俾计作 11 个钟嘅请假时间。周六请假需要提交邮件之后经由部门总经理审核。
2019 年 1 月旗下新零售汪汪集团员工，被迫放弃一切调休时间同埋工龄，并签署到聚美优品，唔系嘅话将会俾无情裁员。
2019 年杭州电商公司有赞喺公司年会宣布未来执行 996 工作制，CEO 白鸦回应话“几年之后睇翻转头，呢次绝对系好事”。
2019 年 3 月中，曝京东开始实行分部门嘅 996 或 995 工作制，京东公关喺脉脉平台上边表示：“全情投入”。
按照劳动法规定，996 工作制下只有攞到当前工资嘅 2.275 倍，喺经济上先至唔会蚀底。
乜嘢系 996.ICU？返工 996，病咗 ICU。
附上法律链接：中华人民共和国劳动法（2018年修订版）
Developers' lives matter.